MABADE ANU SAPULUH

PIKEUN JALMA ANU REK TUMANDANG KANA HIJI PAN,MANGKA KUDU NGANYAHOKEUN HEULA KANA MABADE ANU SAPULUH

Kanyahokeun ku anjeun, sing saha jalma anu bade tumandang kana hiji Pan, kedah uninga heula kana mabadena eta Pan anu 10. Pangna kedah uninga, supaya urang hasil anu dimaksud bari aya dina karidloan Alloh Swt.

Ari hartina mabade teh ceuk bahasa urang mah dadasarna elmu jeung tujuan ieu ilmu. Ari mabade anu 10 teh nyaeta anu dikumpulkeun ku Ki Nadim, nyaeta:

Saenya-enyana mabade tiap-tiap Pan eta aya 10 :

1. Had, Tegesna definisina, atawa pelenggerannana.

2. Maudlu', Tegesna dikeunakeunnana eta elmu, atawa diparantikeunnana eta elmu.

3. Tsamroh, Tegesna buahna eta elmu.

4. Fadlu, Tegesna kautamaannana eta elmu.

5. Nisbat, Tegesna mancakakikeunnana eta elmu.

6. Wadli', Tegesna nu ngaturna eta elmu, atawa asal usulna eta elmu.

7. Ismu, Tegesna ngarana eta elmu.

8. Istimdad, Tegesna nu ditagenan ku eta elmu, atawa dasarna eta elmu.

9. Hukmusy Syari', Tegesna hukumna eta elmu tina jihat syareat.

10. Masail, Tegesna bahasan atawa kupasan eta elmu.

Tah eta elmu anu tos disebat, cekap urang teh uninga sapalihna oge. Uninga sadayana mah langkung ti cekap, malah kenging kamulyaan dunya akherat.